哈薩克之旅（21）滯留驚魂

遊過雪山滑雪場

到了山腳

收到驚嚇消息：

我地入境登記有問題!!!

哎呀！係咪唔比離境？

今晚半夜機會否上唔到？

咁咪要滯留!?

事緣特區護照可免簽證留5日

我地玩8日

要酒店住宿証明做入境登記

我地到埗時已交護照Lillian去搞

唔知點解今日先話唔得

今早Rosa另一小鮮肉助手

收集我們護照再去搞

點知吃完午餐收到消息話唔得

要持證人親身去辦理

就這樣

我們加插了新景點：警局

 

懷著忐忑不安的心情來到警局

大家都唔夠膽亂說話

更唔敢玩手機

全程乖乖地等待

Rosa和小鮮肉助手幫我們奔波

等到最後要逐個入房

核對護照影印本及在表格上簽署

份表格寫d乜完全唔知（非英文）

佢話簽就簽啦！

 

來回加等待

我們花近二小時把入境登記搞妥

終於放下心頭大石

 

後來得知是酒店忘記電郵資料

以致入境登記發生問題

酒店本身好像也被罰款

我們認為酒店也很無辜